على اثر الظهور الإعلامي لرئيس الحكومة يوسف الشاهد في قناة التاسعة، كتب الاستاذ عبد الستار المسعودي التدوينة التالية:
“عجبني جوزاف اليوم ..في كرسي الاعتراف /
عجبني جوزاف كيفاش يجاوب قبل لا يكملو ..ابا بكر السؤال..و الأقوى فيه انو ي يسكيفي السؤال و يجاوب بجمل فضفاضة..جونر..اقضينا على الاٍرهاب ..و حاربنا الفساد..و عاونا الزواولة..اللي هوما ..بلبلبلب عددهم..و خلصنا فاتورات ضو المعذبون في الارض..و زيد وشتاتة نعرف وين جات ..حومة حومة..عجبني الحق..و خاصة كيفاش نسى اشكون اختارو لتفريك النداء..على راس اللجنة الملعونة متاع 13…اللي هو ولد pa.. و خلق حزيب من رحم النداء..عجبني الليلة..و خاصة كيفاش جاوب على السؤال المحوري المتعلق ..بدائرتو و شلتو الخاصة..الفاسدين..تغصر..و شرب شريبة ماء.. و قال ..نسيتو اللي اعملت محطة متاع الطاقة المتجددة..بالحلفاوين..و جبت 9 ملاين سائح للبلاد.. و تعاركت مع أقوى عملة ارهابية..اللي هي العورو.. و طيحت منو 2%.. و هذاكة علاش نحب نولي رئيس..اعجبني جوزاف الحق..و خاصة ..و خاصة ..مع أسئلة الزعيري..في العلاقات الدولية…قالو اشنوة موقفك من حرب اليمن و اللي صاير فيها من دمار…قالو احنا مع الشرعية هاك متاع الدولية.. و ما تنساش وقت اللي زرت الامريكان ..فرحو بي.. و عاونونا بالاعانات السخية.. و هذاكة علاش موقفنا واضح في الديبلوماسية متاع الصناعات التقليدية.. و احنا ماك تعرفو موقفنا من إيران و السعودية..اللي هو تعرفوه انتوما زادة من اليوم العشية..و ناولني شربة ماء وقص علية…عجبني الحق اليوم و أقنعني ولد أخت حسيب بن عمار..و افعمني..و خبلني ..بحذقو القفز بالزانة…و من السردوك..لحمار الحكيم..عجبني الحق..و ابهرني بثقافتو المسطحة كحدوة الحصان..اضافلي كم هائل من المعلومات..كنت نجهلها..على ڤرامشي..و طوكوفيل..و ماك ماهون..و ديبشاك..و ماكس فيبار..وجدنا ابن خلدون…
عجبني الحق..جوزاف ..الى درجة خايف نكمل نحلم بيه الليلة../المسعودي.”
