تساءل الفنان عاطف بن حسين الذي أشتهر بدور شوكو في مسلسل مكتوب لسامي الفهري في تدوينة منذ قليل عن أسباب عدم دفع الفهري مستحقات شركة الانتاج التي يملكها مع زوجته والتي أنتجت لقناة الحوار مسلسلا منذ اربع سنوات لكنها لم تحصل على كامل مستحقاتها رغم صدور حكم بات لصالح الشركة.
وهذا ما كتبه بن حسين:
“كيف عندهم المليارات باش يدفعوا الكفالة علاش ما يخلصوناش في فلوسنا الي عنا فيها حكم…؟؟؟و الا ناوين يستينفوا؟؟
وقفتولنا حياتنا بالغطرسة متاعكم… فقط فلتعلموا أيها السراق ان طريق الظلم قصير…. اليوم دفعتوا الكفالة و غدوة؟؟؟
والله لو يدفعوا عليك مال الدنيا كفالة تبقى بالنسبة ليا سارق و مجرم و مافيوزي…. هذه على الحساب في انتظار حاجات أخرى باش نضطر نكشفها في الوقت المناسب… اخدموا توة خدمتكم جماعة الفارينة و الشلايك متاع اللهم لا شماتة… زرت نصف العالم و عرفت ناس من عديد الجنسيات و فنانين من كل الاصقاع باش ريت شعب كيما الشعب التونسي و فنانين كيف الفنانين التوانسة ما ريتش الحق… و لذا و عليه و بحيث عاشت تونس حرة مستقلة….
في انتظار الإفراج على البقية الي انا متأكد الي هوما ما عملوش ربع الي عملو السيد هذاكة في تونس و في شعبها و في فنانينها الحقيقيين و حتى المزيفين…. فلوسنا يا سراق ماناش مسامحينكم في حتى فرنك و قريب باش ناخذوهم….
رغم اعلان إفلاس القناة منين جبتوا الفلوس… يا أيها الحاكم التونسي… فمة شكون عندو أربعة مليارات اليوم في تونس؟
هههههههههه يا تونس يا مسكينة… تحية للفنانة أمال المثلوثي”
